«Ролтан» і BigBon знікнуць з паліц беларускіх крам
Адразу дзве папулярныя маркі ежы хуткага прыгатавання знікнуць з паліц крам. Фуд-блогер Какабай у інстаграме апублікаваў ліст ад Міністэрства аховы здароўя. Афіцыйнай інфармацыі пакуль няма.
Міністэрства аховы здароўя ўвяло забарону на ўвоз, захоўванне і продаж у Беларусі прадукцыі расійскай кампаніі «Марэвен Фуд Сэнтрал». Менавіта гэтая кампанія займаецца вытворчасцю бульбянога пюрэ і локшыны хуткага прыгатавання такіх папулярных у Беларусі брэндаў як «Ролтан» і «БігБон».
Фота: koko_by / Instagram
Інфармацыяй пра забарону 24 кастрычніка падзяліўся фудблогер Павел Крамар. Ён апублікаваў скрыншот інфармацыйнага ліста. Па словах Крамара, «Ролтан» «знік з паліц», бо не прайшоў праверку беларускіх кантралюючых органаў.
Афіцыйнай інфармацыі на гэты конт няма. Якія менавіта парушэнні знайшлі кантралёры, не ўдакладняецца. Невядома таксама, ці часовая гэта забарона.