На фестывалі, арганізаваным Свята-Елізавецінскім манастыром, абвергнуць міфы пра «Канстанціна Каліноўскага» і выступіць Караеў
На калядным фестывалі «Радасць», арганізаваным Свята-Елізавецінскім манастыром, вайскоўцы правядуць палітінфармацыю, заўважыў канал «Хрысціянская візія».
Фота: obitel-minsk.ru
На адкрыццё фестывалю запрошаны экс-кіраўнік міліцыі Юрый Караеў і начальнік вучэбнага аддзела Генштаба Андрэй Багадзель. Абодва прадстаўлены як прамоўцы ад «патрыётаў Беларусі», іх лекцыі анансуюцца пад назвай «(Не) наша вайна».
А спікер Аляксандр Гронскі «раскажа пра геапалітычную сітуацыю ў свеце, раскрые тэму «Канстанцін Каліноўскі. Рэальнасць і міф», гаворыцца ў анонсе.